Listen Now: 
Download AudioKua tau ngā whakaaro o ngā iwi e 45 te rahi, i raro i te mana o Te Ohu Kaimoana, kia whakahē i te whakaaro o te kāwanatanga kia tū a Rangitāhuahua hei moana tāpui mō ngā tini a Tangaroa.
Ko Rangitāhuahua he moutere kei te rāwhiti-mā-raki o Te Ika-a-Māui, ka mutu, nō te tau 2016 i whakatakohia e te kāwanatanga te pīre o Rangitāhuahua ki te whare pāremata kia tū tāua wāhi hei moana motuhake, hei moana tāpui.
Engari mai i taua wā a mohoa noa nei kāore ngā iwi Māori i te hiahia kia whakamanatia tēnei wawata a te kāwanatanga.
Nōnā tahi rā i karahuihui ngā kaiārahi ā-iwi, ki te huihuinga motuhake ki Te Whanganui-a-Tara nā Te Ohu Kaimoana i whakahaere.
Nō reira hei matapaki i ēnei mahi anei ngā kōrero nā te kaiwhakahaere rawa ika mō Te Aupouri nā Penetaui Kleskovic.
