Listen Now: 
Download AudioHe tau pōti te tau e haere nei mō ngā uri o Ngāti Maniapoto.
Kua hinga Te Pōari Māori o Ngāti Maniapoto, nō muri i te whakaaetanga i te whakataunga tiriti a te kāwanatanga i tērā tau. Nō reira kei te kimi a Ngāti Maniapoto i ētahi tangata hei kaitarahiti hōu… ki te whakahaere i ō rātou rawa, a, hei whakatupu hoki i te pūtea hōu o tērā iwi, me ōna hapū.
I tēnei wā tonu kei te tūwhera te wāhi ki ngā kaitono hei tarahiti mō te whare hōu whakahaere rawa o Ngāti Maniapoto, arā Te Nehenehenui.
Ko te hiahia o tēnei tarahiti hōu ko te whakatū i ētahi kaitarahiti hōu, hei tiaki, hei whakahaere i nga rawa o Ngāti Maniapoto nui tonu.
Kia whakawhiti atu mātou ki a Ashleigh Turner, kaiwhakahaere o te taha kaporeihana, e kīia ana ko Te Waihikurangi, hei waha i ēnei kōrero.
