May 02, 2024
Pita Tipene | Ko Waitangi te wāhi tika mō te Tiriti
Ko Waitangi te wāhi tika mō ngā kawenata o te motu.
Koia te kōrero a te heamana i te tarahiti ā-motu o Waitangi a Pita Tipene, ki te hui mō te Kāhui Rangatira ā-iwi e tū ana ki Tauranga Moana i tēnei wiki.
I puta ēnei kōrero āna, i te whai a te tarahiti kia whakahokia ngā kawenata o te motu ki tō rātou kāinga.
Hei tā Tipene, he nui ngā take engari ko Waitangi te wāhi tika.
“He wāhi pai a Waitangi i te mea, ia tau, e muia ana e te motu i runga anō i tērā rā nui, te ono o Pepuere 1840, koia tēnā te wā i hainatia ai tuatahi. Nā reira e tika ana kia whakahoki atu ki reira hei puritanga. Engari kia whai wāhanga te iwi Māori katoa, Pākehā atu ki te haere tirotiro ki aua kawenata.”