May 24, 2023
He pūtea hou hei whakawhanake i te ao pāpāho Māori
Hei tā te pou ārahi kaupapa ki Te Māngai Pāho, a Blake Ihimaera, e hīkaka ana ngā kaimahi o te umanga kia kitea he aha ngā kaupapa, he aha ngā whakaaro, me pēwhea hoki te whanake i ngā kaimahi kei te ao pāpāho Māori.
Hei tāna, he ōrite tā ngā rāngai katoa whai, hei mau i ngā kaimahi pāpāho Māori e kī ana he pūkenga rau.
Engari hei tāna anō, he pūtea tautoko ka taka i te $51 mirona tāra i te Tahua Pūtea o tērā wiki, hei whanake i ngā kaimahi, me te whakapūmau i ngā kaimahi pūkenga rau nei.
Ka kī tonu a Ihimaera, “He ao āhua rererekē mō ngā taiohi e taetae mai ana, mō ngā rangatahi, mō wai rānei, me āhua tirotiro whānui tātou, ki tō tātou rāngai, me kite he aha te ara haumaru rawa, e pai ai tā tātou whakawhanake i ēnei rangatahi e hiakai ana ki ēnei mahi. Nō reira e hikaka ana, he aha ngā kaupapa, he aha ngā whakaaro, a te rāngai pāpāho, mō te whakawhanake i ngā kaipāpāhio Māori, kaimahi ao Māori anō hoki ki roto i tēnei rāngai.”