Ā te marama e tū mai nei e whakaoti ai ngā whakahoutanga o te whare nohonga kura tamatāne a Whitiora i Hāto Tīpene i Tāmaki Makaurau.
Koia nei te kura tamatāne o mua ka tuwheratia anōtia ōna kuaha ā te tau 2025.
E ai ki te māngai ki tēnei kaupapa, ki te tauira ō mua anō hoki, ki a Joe Harawira, ko Whitiora te whare tuatahi kia whakatikahia e te kura, ā, he mea nui tēnei tuatahitanga mā rātou.
Hei tāna anō, “Koirā te whare whakamutunga ki te hanga i te tau ’75, ā, ka whakarite ko tērā te whare me whakahou, i te mea ko ērā atu o ngā whare tawhito e āhua karukaru. Nō reira, koia ko tērā kua tata te oti tērā hei te mutunga o te marama e heke mai nei kua oti kē te whakahouhia.”
