May 17, 2023
Ko M9 he whakaoho i te whakaaro Māori
He rakuraku i te mahara, he whakaoho i te whakaaro Māori. Koia pū te mahi a te huihuinga mātanga Māori a M9 ka tū ki Tāmaki Makarau ā te marama e tū mai nei.
Hei tā te kaiwhakahaere o te kaupapa, hei tā Ria Hall, ko He Toi Whakairo, He Mana Tangata, te ariā o te hui, ā, ka riro mā ngā kaikorero tokoiwa te hunga mātakitaki e whakamīharo.
Hei tā Hall, ka whakanuia ko te toi Māori. “Ko te whakaputa i ngā whakaaro o ēnei mātanga hei huritao mā te hunga e tae mai ana, hei whakaarotanga mō te hunga e tae mai ana. Nā reira koinā te tino take, te tino pito o tēnei terenga, kia whakanui i tō tātou ao toi Māori me ngā hua maha o roto i te ao toi.”