March 30, 2023
Kei te ngaro haere ngā tikanga kaitiaki i ngā poro rākau
Nō te wiki taha ake nei tū ai tētahi hui ki waenga i te kāwanatanga me ngā whānau o Uawa i Te Tai Rāwhiti mō ngā raru nui kua kitea nā te rahi o ngā poro rākau e puta ana i ngā awa ki ngā tahamoana.
Hei tā te māngai kōrero o te Aitanga a Hauiti, hei tā Victor Walker, kei te ngaro haere ā rātou tikanga kaitiaki i ngā poro rākau nei. Hei tāna anō, ko te pōuri tino nui, koia noiho te mōhio a te reanga o naeanei.
“E kore e taea e matou te takahi haere ki tatahi haere ki tātahi, ki tahuna, te kohikohi atu ai i ngā kaimoana, te kaukau, me te tiki atu he wai hei wai tai, hei wai ora mō ngā māuiuitanga o te tangata. Koirā te mānukanuka nui nei. Taku mokopuna nei, kua 10 tau tana pakeke i tēnei tau, kāore hoki a ia te kite i tētehi tāhuna, tētehi wā, kāore te poro rākau e takoto e noho ana ki runga tātahi.”
Whakarongo ki te uiui katoa ki konei.