January 22, 2013
He wehi kei ngaro tētahi whenua
E whakaaro ana ā Ngāti Tama mā ngā iwi whai rawa ō te motu te pūtea hei hoko i ētahi whenua katahi anō te karauna ka whakaputaina i te rāhui mō te whakatau kerēme tiriti.
I tēnei wā kei raro ēnei whenua i te mana whakahaere ō Ag Research ahakoa kua kapi noa atu tā rātau mahi ki reira.
E ai ki ā Eldon Potaka ō Ngāti Tama i kii mai te Kāwanatanga ki te iwi kare rātau e pirangi ki te rāhui aua whenua hei whakatau i te kereme ō te iwi nei, ā, e rua wiki noa te roa kia whai wāhi ai ā Ngāti Tama ki te hoko aua whenua.
I puta mai te kōrero i tērā wiki e whakaarohia ana e te kāwanatanga me hoko atu te whenua rā ki tētahi kāporeihana hanga kiriata nō Amerika.
Hei tā Potaka anō kare e taea e te iwi te hoko aua whenua i tōnā kotahi, nā reirā ka puta te karanga ki ngā iwi whai rawa ō te motu ki te whakangao pūtea ki reira kia pupuri tonu ia ki roto i ngā ringaringa ō te Māori.