November 03, 2022
Ka tīmata te hopu kiriata mō Orokohanga 2
Kei whea a Hawaiki ki a koe? Koia rā tētehi o ngā pātai matua ka pātaihia e Scotty Morrison ki ngā tāngata o ngā moutere o Poronēhia i te terenga tuarua o te pakipūmeka a Orokohanga.
Nā Morrison te pakipūmeka i whakaputa hei āta titiro ki ngā hononga i waenga i te iwi Māori me ngā tāngata o ngā moutere.
Hei tā Morrison, ā te Rātapu wehe atu ai te tīra kiriata i Aotearoa. Ka haere rātou ki Peru me Chile ki te kōrero mō te takenga mai o te kūmara ki Aotearoa, ka tahi. Ka rua, ka haere rātou ki Te Fenua ‘Enata ki te kōrero whakapapa.
Hei tā Morrison anō, he hīkoi mīharo kei mua i a ia, ā, he nui āna pātai ki ngā tangata whenua o ngā moutere.
Whakarongo ki te katoa o te uiui ki a Scotty Morrison