Listen Now: 
Te kiriata Moana
Hei te wiki o te reo Māori a tērā wiki kite tuatahi ai tātou i te kiriata Moana ki te reo Māori. Nā Katarina Edmonds, Waldo Houia me Vikky Demant te kiriata nei i whakamāori.
Pō Whakawhiwhi Tohu Oro Waiata Māori
Tekau tau te Pō Whakawhiwhi Tohu Oro Waiata Māori e whakahāerehia ana i tēnei tau, ā, hei te tekau mā rima o tēnei marama tū ai tēnei pō whakahirahira ki roto o Heretaunga. Kei te whakamānawatia ngā kaiwaiata rongonui o te ao Māori, a Bunny Walters nō Ngaiterangi i mate rā i te marama o Hakihea i tēra tau, Tōmairangi Paki, tohunga haka i mate i te paengawhāwhā, me Wiremu Te Tau Huata i mate i te tau iwa tekau ma tahi.
Te hui Cutting Edge Conference
Rima rau tāngata ka rauhī atu ki Te Papa i Te Whanganui-ā-Tara i te ra nei mo te tīmatanga o te hui Cutting Edge conference. Ko te kaupapa mātuatua o taua hui, ko te kiriwaratanga ki ngā kaiwhakapoauau. Hei tā Sue Paton, māngai mo te hui, ko tētahi take nui hei wānanga ma te hui, ko te tokomaha ake o ngā Māori e mauheretia ana mo te takahi i ngā ture tarutaru, tena i ngā Pākeha, ahakoa e orite ana te hē.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
