August 15, 2017
Te raupatu a Ngāti Maniapoto
Te raupatu a Ngāti Maniapoto
Kua whakatauhia e te Karauna te tono Tiriti a Ngāti Maniapoto mō te 165 miriona tāra ki te Whare Paremata. I raro i tēnei tauwhāinga Tiriti, ka whai wāhi ngā uri o Ngāti Maniapoto, ki te whakatau tikanga mō te whakahaere i ngā whenua o te Nehenehenui.
Hōtaka ārai i te Mate Whakamomori
Kua whakarewaina tētahi hōtaka ārai i te Mate Whakamomori ki roto i ngā kura o te rohe o Waikato. Kua tuia ngā whakaakoranga ki ngā mahi-a-Rēhia.
I whakatauiratia te hōtaka tuatahi ki ngā ākonga o te kura o Moana Taiari i te moana o Tīkapa. E ai ki ngā tatauranga, tokorua ngā taiohi ia wiki ka mate whakamomori. Ka mutu, e rua tekau o tēnei hunga e tūākiri ana i te whai kia mate whakamomori. He hōtaka tēnei hai tautāwhi i ngā taiohi o te motu, kia kore ai rātou e pākinohia.
Ngā tohu pukapuka reo Māori
Kua whai korōria te pukapuka o 'Te Kaihanga Māpere', i te wāhanga reo Māori o ngā tohu pukapuka mā te hunga taitamariki. Kua whakareia ngā poho o Sacha Cotter rāua ko Josh Morgan ki te tohu Kura Pounamu. Hai tā te kaiwhakamāori i te pukapuka nei a Kāwata Teepa o Ngāi Tūhoe, ko te ariā o te pukapuka i ahu mai i ngā wheako ōmua.
Ngaro ngā tāne tokorua i Tongariro
Kai te haere tonu te hōpara haere a ngā Pirihimana i te ngahere o Tongariro, ki te whai i te tokorua tāne rangatahi i ngaro atu i reira i te Rāhoroi. E whakapaetia ana e ngā Pirihimana, kua kitea he kai, he kākahu, otirā, he paraikete o te tokorua nanakia nei. I kahakina atu e ngā purutaitama i te taone o Te Papa-i-ōea me tetahi motokā I whānakotia e rāua.
Copyright © 2017, UMA Broadcasting Ltd: www.waateanews.com