Listen Now: 
Ka hono te roopu Mana me te Paati Maori
Ka tu te hui-a-tau a te roopu Mana ki roto o Whangaarei apopo, a, ko te perehitini o te RTM a Tukoroirangi Morgan tetahi o nga kaikorero ki te hui. Hei taa te kaiarahi i a Mana a Hone Harawira, ehara i te mea he tohu tenei o te piritata o nga roopu e rua, engari, o te whakaaetanga mahi tahi ke. Ko te matuu o taua whakaaetanga, kia waiho e te RTM te turu o Te Tai Tokerau hei whakataetae ma Harawira, kia waiho e Harawira era atu turu Maori hei whakataetae ma RTM.
Me rangahau te momo whare herehere tika
Mena ka whakatuuria he whare herehere kaupapa Maori, me ata wananga ka pehea te ahua o tera momo whare herehere. Koira te whakahau a Kim Workman, tautohito i roto i enei momo take. Hei taa Workman, kei nga whenua o te ao, pera i a Hapaani, nga tauira o nga whare herehere e aronui ana ki nga maataapono pera i te aroha, awhitu me te muru hara. Hei taana, ko te mate ke o tenei whenua, ka whakatumatuma te tokomaha ki te whakahee, na te mea, he kaupapa Maori, he kaupapa tino rangatiratanga.
Ngati Whatua O Orakei hoko i te waapu o Tamaki Makaurau
E hiahia ana a Ngati Whatua Orakei ki te hoko i te Wahapu o Tamaki, mena ka hokona a te Kaunihera o Tamaki. Hei taa te mangai o te Tarahiti o Ngati Whatua Orakei a Ngarimu Blair, e hiahia ana ratou ki te hoko i te wahapu, na te mea, no ratou taketake ake, tae atu ki te papa moana o te Waitemata.
Ko te maori e raruraru ana
He raruraru nui te mate hinengaro me te mate whakamomori i waenganui i te iwi Maori. Koira taa Tio Sewell kaiwhakahaere o Waka Hourua.
Ko Hemi Dale ka whakakii i te turanga o Willie Jackson
Kua kopoua a Hemi Dale, hei mangai hou mo nga Maori Noho Taone ki Te Matawai. Kua heke iho a Willie Jackson, i taua turanga, kia watea ai ki a Dale.
Kei te hoha ngaa uri o Ngaapuhi kia Tuuhoronuku
Hei taa tetahi o nga kaumatua o Ngapuhi kei Otautahi e noho ana, kei te hoha haere nga uri ki te takaroa o Tuhoronuku ki te whakatutuki i te tono raupatu a te iwi. Hei taa Henare Edwards, tokomaha ratou e whai whakaaro ana kia mutu te tautoko ki a Tuhoronuku.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
