Listen Now: 
Pou Matakana me mahi tahi.
He mea nui kia whai hononga kia mahi tahi ma reira ka mauritau ake nga mahi.
Koia te korero a Merepeka Raukawa Tait tiamana o Te Pou Matakana, peka o Whaanau Ora.
E ono miriona taara ka waatea ia tau ki te utu i nga hootaka aawhina whaanau mo nga tau e toru.
Hai taana ano kei te tuku paatai ki nga roopu ki nga kaitono mahi, me pehea ratou e whakarerekee i te ahua o nga whaanau.
Kirihimete korero puutea.
He pooturi te timatanga o te waa tauhokohoko mo te Kirihimete i tenei tau.
Heoi ano e kii ana nga kairangahau utu puutea te take kua heke ai te utunga o te puutea i tenei waa tuatahi ko te hekenga o te utu penehiini, tuarua, ko te maatao o nga raa,
tuatoru, ko te huringa ki te hoko perehana ki runga i te ipurangi.
Hai taa etahi kaioohanga he moata tonu me te tohutohu ki nga toa hokohoko kaua e whakaputa i te maurirere i tenei waa.
Taamanuhiri whai haangarau.
I runga i nga haangarau o te waa kua ahei a Ngai Taamanuhiri ki te whakapaa atu ki te nuinga o to ratou iwi.
Kei te mahi tahi te iwi me tetahi roopu haangarau kia korero ki nga uri ahakoa kei hea ratou e noho ana huri noa te ao.
Hai taa Mere Takoko kaiwhakahaere pakihi o Ngai Taamanuhiri kua tupu te mohiotanga ki te ahua o te noho a te iwi me etahi atu o nga rohe.
I te mutunga ake he whakatuuwheratanga o te kuaha ki te ao.
Nama nui.
Kua piki kino ki te iwa ira toru piriona taara te rahi o te nama hai hoatutanga ma tatou ki te tari taake o te IRD.
Ko te taake i te mahi ko te utu taurewa ki nga aakonga, ko te utu tautoko tamariki koia ko nga utu nunui.
Kaati e kii ana te tari he raruraru nui te nama kaore ano i utua ko taa te tari he tirotiro huarahi ano hai whakapakepake i te utunga o te nama ka tika.
Whakamahi haangarau.
Kia maha ake nga Maori e whakapaa atu ai ki nga haangarau o te waa pera i te rorohiko, i te ipurangi.
Koia te karanga a etahi pera i a Ian Taylor o Ngati Kahungunu me tana kii kia kaha hoki nga roopu Maori ki te totoro atu ki nga waahi, ki nga tari, ki nga taangata kei te whakatairanga i te tupu o te haangarau.
Hai taa Taylor ano ko nga mahinga haangarau kei taumata teitei ake mo te taha oohanga kei reira ko nga huarahi huamata.
Reehita hoko whare.
Tera pea ka reehitatia nga taangata o taawaahi e hoko whare ai ki Aotearoa.
Koia te korero me te manawapaa o te kaawanatanga ki te whai i taua huarahi.
Ko Winston Peters o Aotearoa Tuatahi tetahi e kii ana me whakarite reehita ma reira ka aata whakahaere i nga tikanga hokohoko whare ki a raawaaho, ki a wai atu me te kii a etahi me noho i Aotearoa te tangata ka hoko whare kaua ranei ki whenua kee.
Copyright © 2014, UMA Broadcasting Ltd: www.waateanews.com
RELATED NEWS
