April 22, 2024
Ripeka Lessels | Ka tino raru ngā hapori nā ngā panonitnga a te kāwanatanga
Ka tino taumaha ngā pokohiwi o ngā tāngata ka raru nā ngā panonitanga o te kāwanatanga i ngā tūranga mahi maha kei ngā tari kāwanatanga.
Koia ngā kōrero a te Heamana tuarua o Te Riu Roa, te uniana mātauranga nui o Aotearoa, a Ripeka Lessels. Koni atu i te 1000 ngā tūranga mahi ka topea e Oranga Tamariki e te Tāhūhū o te Mātauranga hoki kia whai i ngā tohutohu i puta i te kāwanatanga, ā hei tā Lessels, ka aroha hoki ki te hapori whānui ka rongo kino nei i te korenga o ēnei tūranga mahi.
Hei tāna anō, ‘ kei te arohatia kaua ki ngā tāngata noaiho nei kua whakakorehia ngā mahi nei, ēngari ki ngā whānau o aua tangata nā, ki ngā hapū , ki ngā hapori o ngā tangata kua whakakore mahi nei. Me te mea nei, he aha hoki rā te whāinga nui a te kāwanatnaga nei i a rātou e whakakorehia nei ngā mahi ā ngā tāngata. Kua kite atu ahau ko ngā mahi kua whakakore nei, kei ngā rohe te maha o ngā whakakorenga nei.’