April 22, 2024

Te Waikamihi Ormsby | Kua ea te wawata, karanga mai Te Matatini!

Te Raunatanga Whakaara Posted On April 22, 2024

Waatea Images

Te Raunatanga Whakaara Te Waikamihi Ormsby

Download Audio

E toru ngā kapa ka whakawhiti mai i Ahitereiria mō Te Matatini ko Manawa Mai Tawhiti, ko Te Kapa Haka o Te Hau Tawhiti me te kapa o Te Atawhai Puumanawa.

Koia ngā kōwhiringa i puta i te whakataetae ā-rohe mō ngā kapa e iwa o Ahitereria i tū ki te Tai Kōura i te mutunga wiki nei.

Hei tā te Pouwhakahaere i te rōpū kapa haka hōu o Te Hau Tawhiti, hei tā Te Waikamihi Korohina Ormsby, ko te tuakiri me ngā āhuatanga ao Māori ngā mea i kawe i tā rātou kapa ki te taumata tuarua.

Hei tāna anō, ‘kua tau katoa te wairua ināeanei, kua ea tētehi o ngā kaupapa o te kapa haka me kī. Kua roa mātou e whakaharatau ana, tōnā tahi tau pea, neke atu, i timata i te timatanga o te tau 2023 ki te āta kohikohi i ngā kaihaka e tino ngākau ana ki tō tātou ao Māori.’