March 12, 2024
Moko Tepania | He tawhiti rawa te haere kia kore e haere tonu
He tawhiti rawa te haere kia kore e haere tonu, he nui rawa ngā mahi, kia kaua e mahi tonu. Hei tā te koromatua o te Te Hiku o te Ika, a Moko Tepania, koia te āhua o ngā mahi kua tutuki i te takiwā, e kaupare ai ngā waipuke ki te rohe.
He kotahi tau nō muri mai i a Huripari Gabrielle, kei te rongo tonu te takiwā i tana whiu, hei tā Tepania tonu, kei te whakapau riaka te kaunihera e toro ai tō rātau ringa āwhina ki ngā wāhi morearea nui katoa.
Hei tā te koromatua a Tepania, “kua oti i Te Rūnanga o Whāingaroa me te Kaunihera wētahi mahi ki Kaeo ki Whangaroa he wāhi ka kaha waipuketia i roto i ngā momo āwhā kia kaua taua awa e waipuke pērā anō te kino nō reira he painga kei roto i tēnā whiti hakarunga mai ki roto o Ōtiria o Moerewa he mahi anō kua oti i te kaunihera te mahi hei āta whakatikatika i wērā āhuaranga.”