November 29, 2017
Auahi Kore Aotearoa 2025
Auahi Kore Aotearoa 2025
Kei reira te whainga kia auahi kore a Aotearoa hei te tau rua mano rua tekau mā rima, engari, kei hea te rautaki hei whakatutuki i taua whainga. Koirā te patai a Boyd Broughton, kaimahi auahi kore. Hei tāna, me arotake te Kāwanatanga i ngā kaupapa auahi kore o te wā, katahi ka whakatū rautaki e tutuki ai te whainga kia auahi kore a Aotearoa hei painga mo te hauora o tātou katoa, Māori mai, tauiwi mai.
Pukuriri a Timi Maipi ki ngā kōrero a Tā William Gallagher
Hei tā te kaumātua o Rāhui Pōkeka i tae atu ki te tari matua o te Gallaher Group i te wiki nei, ko ōna māharahara ki ngā tamariki o Waikato Tainui te tino take i tae atu ai ia ki reira me ngā kākahu mā o te roopu kaikiri KKK. Hei tā Timi Maipi, ka nui tōna pukuriri ki ngā kōrero a Tā William Gallagher i kī ake rā ia, he meho te Tiriti. I roto a Taa William i tōna ake tari e huna ana, i te wā i tae atu ai a Maipi ki reira. Hei tā Maipi, koia te toihau o te Poari o Te Wharekura o Rākaumangamanga, ā, e tika ana kia mōhio ngā tamariki, kei te tino hē rawa atu ngā kōrero a Galleher.
Copyright © 2017, UMA Broadcasting Ltd: www.waateanews.com