June 04, 2024
He maimai aroha | Kua nehu te kuia a Hinerangi Puru ki Nahareta
![Watermark](/wp-content/uploads/2021/05/logo-4.png)
![](https://waateanews.com/wp-content/uploads/2024/06/mntBLOCKSTORAGEhomemasternews_importersrchinerangi-puru-pkw.jpg_1_Pub.jpg)
Kei te rau ō mahara ngā whakaaro o Te Tai Tokerau ki tō rātau kuia māia a Hinerangi Puru kua huri ki tua o te ārai, kua ngaro i te tirohanga kanohi.
Koia ngā kōrero a te kaumātua o Te Rarawa a Haami Piripi, me ōna mahara ki a Hinerangi Puru e 87 tau ia e ora ana i te nuku o te whenua.He tamāhine nā tōna māmā a Kahurangi Whina Cooper, hei tā Piripi, e mahara ana ia ki ngā mātauranga a te kuia nei ki te tohe, ki te whakaaweawe i ōna iwi.
Hei tā Piripi hoki,”“I totohe ki Ngā Wāhine Toko i te Ora i tētahi hui. Kīhai i whakaae kīhai rātau i whakaae nā he wahine pēnā kia tūpato tō haere mēnā kāore koe e whakaae ana ki ana whakaaro kia ārō tonu ō whakaaro kia tika tonu ō whakaaro. Nā reira he he wahine kaha, he wahine rongonui. Korekau he tāngata i taea ai te whakanoho tēnā kuia.”
I te ata nei poroporoaki ai te te kuia, ā, i tanu ia ki te urupā ō ōna tūpuna ki Nahareta. Haere e kui, whakangaro atu rā.