April 15, 2024
Pāpāho Auraki | Me huri ngā kaimahi o NewsHub ki te rāngai pāpāho Māori
Tērā pea mā te ako i te reo Māori e ora tonu ai ngā kaiwhakapāoho auraki mā te whakawhiti atu ki te ao pāpāho Māori.
Koia te whakahau a tō mātau kaikōrero tōrangapū a Adrian Wager, whai muri i te whakataunga a te teihana Warner Bros Discovery, ka kapia ōkawatia a Newshub ā te tuarima o Hūrae.
Hei tā Wagner, ahakoa ngā karawhiunga, me ngā pēhitanga o te wā i te ao pāpāho he ao tonu e ora pea mā rātau.
E ai ki a ia, “e pā pōuri ana au te kite ake i tō rātau pōuri, tō rātau mataku, kāore kau rātau e mōhio, ka aha rātau i muri i te katinga, i te poroa o ā rātau tūranga mahi. Ka haere rātau ki whea? Kāore au e tino mōhio. Memehea ka ako rātau ki te kōrero Māori, tērā pea he tūranga ki roto i ngā Reo Irirangi Māori, a Whakaata Māori rānei.”