April 11, 2024
Take Tōrangapū | Kāore rātau mō te paku kimi whakaaro i ā mātau
Ko te tatau pounamu e kuhu ai ngā pāti o te āpitihana ki te mahitahi me te kāwanatanga he wawata noa i te pāremata.
Koia ngā whakaaro o te mema o Te Tai Tonga o te pāti Māori a Tākuta Ferris, i te puta anō o tētahi mahere kāwanatnaga e hinga ai ngā kaupapa here Māori i te ture.
Hei tāna anō, e kore he hua e taka ki te iwi Māori nā te tū o te ihu a ngā rōpū tōrangapū ki te mahitahi.
“E kore pea e whai wāhi me te tokotoru rā. Kāore rātau mō te paku kimi whakaaro i ā mātau. Kāore rātau mō te paku aro atu ki a mātau ki roto i te whare. Me te mea anō hoki nei ko taua whare hangaia e te Pākehā mō te Pākehā nē ngā ture katoa, ngā taumata katoa ērā āhuatanga katoa, e whakahaerehia ana e te Pākehā.”