March 27, 2024
Hui ā-motu | Kei te haere tētahi o Nāhinara ki roto o Ngāti Kahungunu
Kei te haere atu ētahi o te pāti Nāhinara ki te whakarongo i ngā aue ā te iwi Māori ki ngā kaupapa here ā te kāwanatanga hei te hui ā-motu ki Ngāti Kahungunu a te Mei.
Koia te kōrero a te heamana o te rōpū Kahurangi a Tūwhakairiora Williams me tana tautoko i ngā hui ā-motu i karangahia nei e Kīngi Tūheitia i te tīmata o te tau.
Hei tā Williams tonu, ko te wawata i roto i a ia ki te pupū ake ngā whakaaro o tēnā o tēnā hei whakarongo māna.
“kia whakamātau ai he aha ngā whakaaro huri noa i te motu ngā tohutohu a tēnei kāwanatanga e toru mō te reo mō te Te Tiriti o Waitangi me wērā me tū āhuatanga e pā mai ana ki te tuakiri o te ao Māori me Te Tiriti hei kawenata i waihotia e ngā mātua tīpuna, ā, ko te manakohia ka tū tika tū mārō ai te motu i ngā whakaaro kōrero i puta ma ii te hui ā-motu i Tūrangawaewae.”