Listen Now: 
February 02, 2023
He hōtaka hou mā ngā tāngata noho poari o āpōpō
Waatea Team
Posted On February 2, 2023
0
Download AudioKua rewa tētehi hōtaka hei whakawhanake i nga kaiwhakahaere Māori hou ki ngā tēpu poari o te motu.
E ai ki Te Pūoho Katene, kaihautū o te tarati Te Pūtea Whakatupu, kei te rapua ngā tāngata kei a rātou nga wheako pakihi ki te uru atu ki te hōtaka ko He Tukutuku Koiora te ingoa, he hōtaka rua tau me te hawhe te roa.
Hei tāna, ka ako ngā tauira i ngā pūkenga katoa o te mana urungi, kia tū rangatira ai rātou ki ngā poari pakihi, ngā poari kura me ngā poari tarati anō hoki.
