March 27, 2024
Manatū Hauora | “kāore e kore ko ngā tūranga mahi Māori te ikamata ngohi”
Ko ngā kaimahi hauora Māori te hunga ka kaha rongo i te ngau o Shane Reti, me tana poro i ngā turanga mahi i te Manatū Hauora hei ngā wiki tata nei.
Koia te kōrero a te māngai a Reipa ki ngā take hauora a Peeni Henare, whai muri mai i ngā kōrero ka poroa ētahi tūranga mahi i te Manatū Hauora.
Hei tā Henare, ko te tikanga kua tautoko a Reti i ngā kaimahi hauora Māori e hoki ana ki te Manatū mahi ai, heoi hei tāna tonu, ko tana whakapae, ko ngā kaimahi Māori ka raru nui.
“hei tāna māmā noa iho te whakawhiti atu ki te manatū hauora nā kua kite atu tāua ināeanei na kei te poroa te kāwanatanga i ngā tūranga mahi kei te manatū hauora me te mea anō hoki e te tuakana e mōhio ana tāua inā ka poroa i ngā tūranga mahi kāore e kore ko ngā tūranga mahi Māori te ikamata ngohi ka kite atu ka mate ka hinga ki roto i ngā mahi a te kāwanatanga.”