January 19, 2024
Te Taepa Kameta | He hōhonu tō tātou kawenata a Te Tiriti o Waitangi
Kei te takahi ngā mōrehu o te hāhi Rātana te huarahi i parangia e Tahu Pōtiki Wiremu Rātana tata ki te kotahi rau tau ki mua.
Koia te kōrero a te māngai o te hāhi Rātana a Te Taepa Kameta mō te tautoko a te hāhi i te karanga a Te Paki o Matariki ki Tūrangawaewae āpōpō.
Hei tā Kameta, e rua ngā pukapuka i kawe a Tahu Pōtiki Wiremu Rātana- ko te Paipera Tapu me te Tiriti o Waitangi.
Anei āna kōrero, ‘e kore e taea te huri, te karo te āhua i haere noa tō tātou pāpā a Tahu Pōtiki Wiremu Rātana.
E rua ōna pukapuka nē, ko te Paipera Tapu me te Tiriti o Waitangi. 1924 te tau i tīmataria tōnā mātorohanga kia haere atu ki Ingarangi ki te noho atu me te kīngi o Ingarangi i taua wā. Kotahi rau tau ki muri kua hoki mai tērā āhua e pakangatia tonutia nei e tātou Te Tiriti o Waitangi, nā reia, he kaupapa nui tēnei ko Te Tiriti o Waitangi.’