March 14, 2024
Shane Jones | Me wānanga a Ngāti Hine me Ngāpuhi ki te wehe tētahi i te tatūnga kerēme o Waitangi
Kia tika te māwehe o Ngāpuhi i a Ngāti Hine mēnā koia kē hoki te wawatā kei ngā kaiwhakahere o Ngāti Hine i Te Tai Tokerau.
Koia ngā kupu a te minita tiaki pūtea tuarua a Shane Jones ki tō mātau hōtaka o Manako, i muri mai i te hiahia ki whai ara kē a Ngāti Hine ki te tatū i ōna kerēme.
Hei tā Jones, me tū he hui ki waenga i ngā taha e rua e wānanga ai te hiahia nei, engari me tūpato hoki a Ngāti Hine, i te mea he utu ka kitea.
Hei tā Jones hoki, “me whakahira e tātau ko te kupu ngā i roto i te ingoa me kī a Ngāpuhi. Mehemea e hiahia ana a Ngāti Hine ki te whakaputa mutunga atu i a Ngāpuhi me karanga he pīki hui. Me āta whakarite he kaupapa kia māwehe ai rātau. Me noho mārama a Ngāti Hine me wāna mema katoa kia tatū tēnei mahi ā koutou ko kore koutou e āhei kia hoki Ngāpuhi mai ai. Me noho motuhake hei Ngāti Hine mō ake tonu atu.”