March 14, 2024
Peeni Hēnare | E kore e taea te māwehe i te whakapapa o Ngāti Hine me Ngāpuhi
E kore e taea te karo i ngā hononga ā-toto o te tangata, i tō kunengatanga mai i Hawaiki.
Koia te kī a te mema o Reipa a Peeni Hēnare, ki te karanga a Shane Jones, mēnā e hiahia ana a Ngāti Hine kia whakawehe ā rātou kerēme ki te taraipiunara i tērā o Ngāpuhi, kia mahia tūturutia ā, haere ake nei.
Engari rā hei tā Hēnare tonu, kei te hē a Jones, i te mea e kore e taea te tangata te karo i ōna whakapapa.
Hei tā Hēnera hoki, “ko te āhua nei kua kīia a tō tāua matua a Shane ki tana hoa mahi a Goldsmith te kaitatūnga i ngā kerēme e pā ana ki Te Tiriti o Waitangi ko te āhua nei kua noho tahi rāua ki te whakaritehia i tētahi mahere e hoa ko te mate kē kei waho a Ngāpuhi, kei waho a Ngāti Hine ki roto i aua whiriwhiringa nō reria he kōrero porotiki engari me tirohia ki muri i ngā kupu me ngā mahi e mahingia ana e tēnei kāwanatanga koinā tāku e mea atu ana me mātaara ngā rahi o Te Tai Tokerau.”