March 14, 2024
Te Aorangi Dillon | E Trans-Tasman Resources, waihotia tō mātou moana!
Ku’ hōhā katoa ngā iwi o Taranaki Mātongatonga ki te hiahia a te kamupene a Trans-Tasman Resources Limited ki te keri i o rātou papamoana.
Ahakoa e whā kē ngā wā ku’ whakahē te Kōti Taiao i te tono a te kamupene, ko te ngana anō rātou, ā hei tā te Tumu Whakarae o Te Korowai o Ngāruahine a Te Aorangi Dillon, hei aha rā, hei aha rā- kāhore kau he taunakitanga tūturū tō ngā rāwaho kia raru ai i te taiao.
Ko tāna e pātai atu, he aha te take ko te hoki atu ki te kōti ahakoa ku’ kaupare atu te ture mana whakahaere take taiao i te kamupene ē hia kē ngā wā?
Ko tā Dillon, ‘he maha ngā mahi kei mua i te aroaro mā tātou katoa nā reira, he hokihoki atu ki ēnei āhuatanga mō te aha? Tērā te pātai nui i tēnei wā. He aha te tino aronga o Trans-Tasman, nā, kāore au i rongo i tētehi mea hōu i puta mai i ā rātou nā reiri ki au nei i tēnei wā, ki tāku nei rongo, kāore he mea hōu e puta mai nā reira he maumau wā.’