March 13, 2024
Tamzyn Pue | Kua tupu te ao kapa haka Taranaki me Whanganui
E ora pai ana te ao haka ki te takiwā o Te Tai Hauāuru.
Koia ngā kōrero a te kaihaka o te rōpū kapa haka nō Taranaki Mārakiraki a Tamzyn Pue.
I pau katoa ngā tīkiti o te whakataetae ā-rohe o Te Kāhui Maunga, ā, nā te tokomaha o ngā tāngata i hiahia tonu te haere, i whakarite ngā kaimahi i tētehi pouaka whakaata nui mō waho atu i te whare.
Hei tā Pue, he tohu o te hia kai a te rohe ki ngā mahi kapa haka me te aha me whakarite pai rātou mō Te Matatini ka tū ki tō rātou rohe a te 2025.
‘Ehara peange tērā i te wāhi e tika ana mō te whakataetae ā-rohe ko tā te mea kua tipu, kua tipu rawa ko te ao haka ki roto tonu i te rohe, o roto mai ana i te rohe o Te Kāhui Maunga. Nō reira, ko tētehi akoranga nui nei, te aro pū atu ki āianei ki ngā whakaritenga kei mua i te aroaro mō Te Matatini. Ka tīmataā a tērā marama i ngā wānanga whakariterite. Tērāpea he ono, he whitu rānei ngā wānanga kua whakariteakētia mō ngā kapa o Te Kāhui Maunga.’