March 12, 2024
Tama Potaka | Ko ngā papakāinga te rongoā mo te ngārara nei a te noho kāinga kore?
E tautoko kaha ana te Minita Whanake Māori a Tama Potaka i te tūwheratanga o ngā papakāinga hei whare ruruhau mō ngā whānau Māori.
Koia āna kōrero i muri mai i tāna taenga atu ki te tūwheratanga o tētehi papakāinga hōu ki te takiwā o Ngāti Koroki Kahukura.
Hei tāna, ko tētehi o ngā kaupapa matua o te kāwanatanga kia puta ngā whānau e noho ana ki ngā whare ohotata, kei ngā mōtera, ki whare kē atu e haumaru ake ai te noho. Koia te wawata nui o ngā mema pāremata katoa.
Hei tāna anō, ‘ko tō mātou i tēnei wā ko te paipai haere i te ara tika mō ērā momo kaupapa me te mea nei, kei te mōhio, kei te mārama hoki ngā kaitōrangapū ki te hiahia me te wawata a Māori mā ā wai mai rā, ki te whai whare hōu. Nā reira kāhore he roa, taihoa, ka mōhio hoki he aha te anga whakamua. Ēngari tāku e tino tautoko ana ēnei momo mahi i ngā rā kua huri.’