March 12, 2024
Dan Vaka | Te tuku i te mauri o Te Hekenga ā Rangi ki tōna anamata
Kua pū te ruha, ā, mā te hao o te rangatahi e kōkiri ai te kapa haka o Te Hekenga ā Rangi o Te Arawa ki ngā taumata o angitu.
Koia te kōrero a te kaitātaki tāne omua o Te Hekenga ā Rangi a Dan Vaka, horapangia ana ki ngā pae papori, i rongonui te tuku o ngā reina o te kapa ki tana tamāhine, i ngā ā-ringa o te whakawātea.
Hei tā Vaka tonu, kua roa te wā e whakarite ana rātou kia tuku te kapa mā te reanga o āpōpō e kawe.
Hei tāna tonu, “nā māua ko Hira i whakatau i te whakaaro māua kia kaua e tū mō tēnei whakataetae engari i poipoia. Hara mai ngā irāmutu ki ā māua tahi me te kōrero kia kaua e noho me tū tonu nō reira i mea atu māua ki te kapa katoa koianei te tū whakamutunga nō reira me rite koutou otirā tātau nō reira āe kua maheretia tēnei whakatau mō te wā roa ara kua ea ināianei.”