February 29, 2024
Lavinina Popata | He wānanga ruku kai moana ko te haere mō te hapori o Manurewa
Ko Ruku he wānanga ka whakahaerehia e te ohu Haumaru Wai Aotearoa rātou ko te marae o Manurewa i Tāmaki Makaurau hei tēnei Rātapu.
Hei tā te kaihautu o te kaupapa a Lavinia Popata, ku’ roa nei te hapori o Manurewa e noho pokapū ki te whenua nā reira he tika kia whangai atu i ngā tūāhuatanga o ruku moana ki ngā whānau o te hapori e hiahia ana te ako.
E ai ki a Popata, ka aro atu rātou ki ngā tikanga o roto i te wai me pēhea hoki te whakaute i a Hinemoana rāua ko Tangaroa me ngā kaimoana ka kohikohia.
‘Kua roa tātou e whakangūngū ana ki te taha o tō tātou whānau. Kua tukuna atu ngā rēhita kia ū mai rātou ki te taha whenua nei, ki reira rātou whakangūngū ai ki ngā ture, ki ngā mana whakahaere, ki te haratau hoki i ngā tūāhuatanga me pēhea te ruku. Ara ka uru atu rātou ki te moana hei tēnei Rātapu i tū mai nei. Ka tau atu tātou ki te moana ki te taha o Whangapāroa, ki reira rātou whakangūngūa ngā mahi kua kaha pōkea rātou ki te taha whenua.’