February 27, 2024
Ria Hall – Ko Te Tiriti o Waitangi te kaupapa ki M9 2024
Ko te whāinga matua o te kaupapa kahau Māori a M9, kia mārama te hunga whakarongo ki ngā āhuatanga o Te Tiriti o Waitangi.
Koia ko tā te kaiwhakahaere o te kaupapa a Ria Hall. Ko ētehi o ngā kaikōrero i tēnei terenga ko Hone Harawira, ko te mātanga kairīpoata a Mihingarangi Forbes rātou ko te kaituhi me te kaiwhakatūtū a Tina Ngata.
Hei tā Hall, ko tana hiahia nui kia whakakī i ngā kete wānanga o ngā hunga whakarongo ki ngā māramatanga o te Tiriti.
Hei tāna anō, ‘ko te manako nui ka tae mai te marea me o rātou ngāku tūwhera ki te kaupapa me ā rātou tāringa areare ki te kaupapa me te mea nei ka hoki rātou ki o rātou na kāinga me te, me kī pēnei au, kua kī te kapu, kua kī ō rātou tinana i te nui o ngā kōrero i puta i ngā kaikōrero toko iwa.’
Ka tū te kaupapa nei a te tua waru o Maehe ki Tāmaki Makaurau.