February 27, 2024
Kipa Munro – E Tama Potaka, tautoko mai i a Ngāti Rēhia
Ka kaha whawhai te hapū o Ngāti Rēhia i a rātou wawata ki mua i te kāwanatanga.
Koia te kōrero a te Heamana o Ngāti Rēhia a Kipa Munro nō muri mai i te hui tahi ki te Minita Whanake Māori a Tama Potaka i te Paraire ku’ hipa.
E ai ki a Munro ko te karanga atu a Potaka ki a rātou, ahakoa he tauhōu ia ki te kāwanatanga, ka ngana tonu ia ki te tautoko atu ki a Ngāti Rēhia. Ku’ whakatakoto a Munro i te mānuka ki te minita kia ūpoko pakarū ā ia ki te hāpai ake i ngā hiahia a tōna hapū.
Hei tāna anō hoki, ‘me tirohia rātou me pēhea me taku kī atu, ko tāna e mea ana, katahi anō rātou ka hau mai ki roto i te kāwana hōu nei, te karauna hōu nei, me te mea ake mēnā ka taea ia te āwhina te tautoko noa, kei reira ia, kei reira ōna taringa. Nō reira kei au, kia aukete te mahi, kia kōrero tonu, kia hoha ia ki tōku reo me ōna taringa katoa, me ōku hiahia, me ōku wawata katoa mo tōku hapū.’