February 22, 2024
Bayden Barber | E whakapakari ana a Ngāti Kahungunu i ā rātou anō mō te tūpono ka puta anō he huripari
Kei te whakariterite a Ngāti Kahungunu i ā rātou anō mō te tūpono ka puta he huripari anō ki ō rātou rohe ā ngā tau kei te heke mai.
Koia te kōrero a te heamana o te iwi, a Bayden Barber i muri i te eke i te kotahi tau nō te takahi haere o Huripari Gabrielle i ngā whenua o Ngāti Kahungunu, kei reira tonu ngā mahi hei hiki ake.
E ai ki a Barber, “he mahi anō tēnā kia takatū ai ngā hapū ngā marae hei te wā ka pā kino anō tētahi parekura me te mea nei he āwhā mēnā he rū whenua he nui ngā parekura ka taea, Heoi anō āe kua kōrero ngātahi ai ngā marae kua tukuna atu ētehi rawa wētehi pouaka haumaru ki tēnā marae ki tēnā marae kapi katoa i ngā rawa hei āwhina i te hunga noho nei i te kāinga i te wā o te parekura.”