February 22, 2024
Raniera Proctor | He hangarau hōu mō ngā kohanga reo
Ku’ whakaputaina e te Tarahiti o Te Kōhanga Reo he hangarau hōu hei āwhina i ngā whakahaeretanga o ngā puna tamariki o te motu.
Koia ko tā te heamana o te tarahiti a Raniera Proctor me tāna whakapono ku’ roa rawa te wā kāhore e whai rauemi hangarau āpitihanga ki ngā kōhanga reo.
Nō te tau 1982 tūwhera ai te kohanga reo tuatahi ki Wainuiomata, nā hei tā Proctor, he tuāpapa pai ngā hangarau hōu, hei whakawhānui ake i te toro o te kaupapa here o te kohanga reo, arā, ko te oranga o tō tātou reo me a tātou tamariki mokopuna.
‘Kua roa te kohanga reo e noho ana ki te ao kōhatu me kī ki te ahua ki o mātou hangarau. Ka huri mātou i te whenua ka rongo i te hia kai o te kaupapa kia hōkai whakamua ki te ao hangarau e mōhia ana e ngā whānau o ēnei wā nei ka mutu, koia pea te marae hōu e tūhonohono ai te kaupapa ki ngā whānau me te tini me te mano.’