February 21, 2024
Albert Tepania | Kua ea te tono kia hanga marae hōu
Me mihi ki te hunga i poipoi i te hiahia kia tū he marae hōu ki Te Atatū ki Tāmaki Makaurau.
Koia ko te māngai kaumātua o te Komiti o Te Atatū Marae a Albert Tepania i te whakatau a Te Kaunihera o Tāmaki Makaurau ka tautoko rātou i te tono a te komiti kia hanga he marae hōu.
Inanahi rā i hui tahi ai te komiti me te kaunihera, nā hei tā Tepania mei kore rātou te hunga poipoi, e kore tēnei tono e tutuki.
Ko tāna anō, ‘ka hoki anō au ki ngā whakaaro o ā mātou tūpuna nē? Kia Haki Te Huia mā, kia rātou mā nā rātou i ruiai hoki te kākano, te tūmanako i roto i ngā māra o ā mātou hingaro nē? Koinā nō i rongo ake ahau i roto i tō mātou hui ināpō, ko tino tautoko anō te kaunihera, me haere tonu tō mātou kaupapa.’