February 15, 2024
Anton Matthews | Kōrerotia te reo Māori
Kua whakarewahia e tētahi pakihi Māori i Te Waipounamu he papa kōrero hei whakamahinga mō ngā kaihoko, e pai ai tō rātou hoko kai i te reo.
Koia te kōrero a te kairakahinonga Māori, a Anton Matthews, tūmuaki o te pakihi Fush, ki Otautahi.
Hei tāna, he mea nui ki a ia te whakatairanga i te reo, me te whakaaweawe i te tangata ki te kōrero i te reo anō hoki.
“E kī anei ko te ‘Kia Ora Challenge’ nē? Ko te whakamahi i te kupu kia ora kanohi ki te kanohi. Nō reira ka tae atu koe ki te mahi, ka kite koe i ō hoa mahi, ana ka puta i a koe te kupu kia ora. Ka tae atu koe ki te toa hokomaha, tae atu rānei koe ki Fush, ki tō toa orangaranga rānei ana ko te kupu tuatahi ka puta i a koe ko te ‘kia ora’. Nō reira, e hoa, he wāhi akiaki, he wāhi wero tēnei ki te iwi whānui o Ōtautahi kia whakamahia tō tātou reo ātaahua, tō tāua reo kāmehameha. Koinā.”