January 24, 2024
Chusla Tangaere Manuel | Kia tūpato e te kāwanatanga ka tū kotahi mai te Māori ki a koe
Kei ngā iwi Māori katoa mai ō rātou ake mana motuhake, engari ki te ngau te kāwanatanga i aua iwi, mā te noho tahi i te maru o te Māoritanga e urupare ai i ēnā hiahia.
Koia te kōrero a te māngai mō Ikaroa-Rāwhiti a Chusla Tangaere Manuel whai muri i te hui-ā-motu tuatahi ki Tūrangawaewae marae i tērā wiki.
Hei tāna ko ngā kaupapa o te mana motuhake tā te pāti Reipa e kawe atu ki a Rātana, me te rā o Waitangi.
E ai ki a ia anō, “ko tētahi o ngā mea ngā kaupapa tino nui i puta i ngā iwi katoa Kei I a ia iwi to rātou ake mana motuhake koira te whakaaro a Ngāti Porou i tō mātou ake hui-ā-iwi engari ki tua atu kia kotahi ai tātou hei iwi Māori. Nā reira kāore i rerekē tērā āhuatanga hei ngā rā e tū mai nei engari kia mōhio te kāwanatanga ki te pēhi rātou i ā tātou te iwi ka tū tahi tātou.”