February 14, 2024
Wharehoka Wano | Haere mai ki Tiripoua
Ko Tiripoua ki Taranaki Tūturu he kaupapa e whakanui ai te kaha i whakapau, me te werawera i heke i ngā rangatira nā rātou ngā kereme Tiriti o te takiwā i kōkiri.
Koia te whakamāramatanga a te Tumu Whakarae o Te Kāhui o Taranaki a Wharehoka Wano, mō tā rātou kaupapa nui whakaharahara kā tū ā te Hātarei. Ka takahi te mata o te whenua, ka puta te pūngao ki ngā mahi hākinakina, ā hei tā Wano, he kauapapa tēnei hei whakanui i tō rātou Taranakitanga.
“Ka tū ngā kaupapa hākinakina, kaupapa mō ngā nohinohi, mō ngā tamariki, kaupapa mō ngā pāhake, mō ngā kuia me ngā koroeke, tauheke o te kāinga, ērā tauheke. Kei tātahi mātou tēnei tau kei Ōpunake ana ka tū anō tētahi hīkoi i te ata ka tīmata ake te hīkoi ngā whenua kua whakahokia mai i roto i ngā kaupapa o te kerēme, nō reira katahi he kaupapa taiao ēngari he kaupapa whakangahau hoki.