Te Pāti Māori: Me rihaina te tumu whakarae i te Manatū Aorere

Waatea Images

Kua puta te karanga i te pāti Māori kia rihaina te tumu whakarae o te Manatū Aorere a Chris Seed i tana tūranga.

Nō tēnei ahiahi tonu whakaputa ai te pānui pāpāhō nei e te pāti Māori e karanga ana kia tatū a Chris Seed i tana tūranga whakahaere i te Manatū, nā tōna whakatau kia takahi i ngā haepapa a tōna tari ki te Māori, mā te whakakore i te reo ki ngā tuhinga ā-tari o te manatū kāwanatanga.

Hei tā te kaiarahi takirua i te pāti Māori, hei tā Rawiri Waititi, he pai ki te Manatū kia hokona atu tō mātou ahurea, me tō mātou reo ki tāwāhi, engari kē mō te kainga nei.

Hei tā Waititi, mehemea koia te whakaaro a Chris Seed i muri tuara, ehara ia i te tangata tika ki tana tūranga.

I kī tonu a Waititi he whakatupato ia ki ngā tari kāwanatanga katoa, e kore e noho wero kore atu ēnā āhuatanga.

RELATED NEWS

Fast broadband set to reach Whakatane between 2013 – 2014 E tautoko ana tētahi tohunga matauranga i ngā kaupapa ō te Kohanga Reo He kiriata poto hei awhina i ngā mātua