February 02, 2024
Hera Black | Nau mai e ngā whānau ki Ria Mere- Mauri Tū Mauri Hono
Kia hāneanea te tupu o ngā pīpī paopao te whāinga hirahira o te kōhanga hōu a Ria Mere – Mauri Tū Mauri Hono.
Koia ko tā te Pouwhakahaere o Whare Āwhina a Here Black i te tūwheratanga o te whare ku whakahōungia hei haumaru i ngā pēpē hōu me ā rātou whānau o te takiwā o Rotorua.
Hei tāna, ki te rongo i te mauri tau o ngā mātua hōu me a rātou kōhungahunga, koia ka mōhio ku’ tutuki pai te wawata o whānau ora.
Hei tā Black anō, ‘he maha tonu ngā tāngata i āwhina, i tautoko i tēnei kaupapa ki te kohikohi rawa, kohikohi taonga anō kia tū ai tēnei whare. Koirā ētehi noa o ngā piki me ngā heke, ēngari me kī pea ko tōna piki rawa atu, ko tōna toa rawa atu; kua tū te whare, kua huaki ngā kuaha ā, ka pōhiri atu kia haramai te menenga o ngā mokopuna me ngā whānau.’