January 30, 2024
Adrian Wagner He nui ngā mahi a Rino Tirikatene i te rāngai kaimoana
Kua rītaia, kua mutu ngā mahi a te kaitōrangapū o mua o Te Tai Tonga me te pāti Reipa.
Kua 13 tau a Rino Tirikātene e waha ana i ngā take o te tūru Māori nei, me ngā mahi ōhanga i te whare pāremata.
E ai ki tō mātou mātanga tōrangapū a Adrian Wagner, ko āna mahi hei hāpai i te ōhanga Māori, i ngā kamupene Māori tētahi mea kua waihotia mai e ia.
E ai ki a Wagner, “he nui āna mahi hei tauawhi atu i te mahi tauhokohoko mō ngā iwi mō ngā pakihi o ngā iwi i roto i te rāngai kaimoana ērā momo mahi. Koirā hoki tōna tino i tērā rāngai te hoko kaimoana i rāwāhi me kī pēnei i ngā rawa o te motu o ngā iwi Māori o te motu ki rāwāhi ki ngā mākete o tēnā moka, o tēnā moka o te ao.”