January 22, 2024
Makere Mutu | Ko te mea nui ko te kotahitanga
E kore te kāwanatanga e tāmi i a tātou te Māori ki te tū ngātahi tātou.
Koia te whakapono a te heamana o Te Rūnanga o Ngāti Kahu a Makere Mutu nō muri mai i te hui nui i tū ki Tūrangawaewae i te Rāhoroi.
I mangu pai te hui i te tekau mano tāngata, i tae atu ki te wānanga i te hiahia a te kāwanatanga ki te panoni i ngā mātāpono o te Tiriti o Waitangi, nā hei tā Mutu, mā te mahi tahi e kore a Ngāi Māori e taka.
‘Ko te mea nui ko te whakakotahitanga. I tū kotahi ai te ao Māori i taua hui i te Rāhoroi. E kore e taea te whakawehewehe i a ngāi tātou. Kua tū kaha, kua tū maia te katoa i roto i taua hui. Mēnā ka tū kotahi ai, e kore e taea te whakawehewehe, e kore e taea te patu i a ngāi tātou te iwi Māori.’