January 17, 2024
He mema pāremata hōu mō te pāti Kākāriki
Kua riro i tētehi tohunga kaitōrangapū o Ngā Kākāriki he tūranga mema pāremata nā te rihainatanga a Golriz Ghahraman i tōna tūranga.
Koia te kōrero a te kaiārahi takirua o te pāti Kākāriki a James Shaw me āna whakamāramatanga mō te koromatua o mua o Te Whanganui-a-Tara a Celia Wade-Brown.
Kei te tūranga 15 o te rāngai ingoa mō te pāti Kākāriki a Wade-Brown, ā, mai i te tau 2010 ki te 2016 i a ia te tūranga koromatua o Te Whanganui a Tara.
Hei tā Shaw, he maha ngā wheako o te ao tōrangapū tō Wade-Brown, ā, ka herea e ia aua wheako ki tōna tūranga hōu.
I kī tonu a Shaw kua waia a Wade-Brown ki ngā mahi whakahaere, ka mutu, he kaiārahi ia ka tino hāpai ake i te pāti ki te ana raiona arā ki rō whare pāremata.
I tae tuawhā mai a Wade-Brown mō te rohe pōti o Wairarapa i ngā pōti o tērā tau, nā ahakoa tupu mai ia ki Ingarangi hei tā Shaw, he kaha nōna te hāpai i ngā take Tiriti o Waitangi.