January 17, 2024
E tika ana kia tae a kiko atu ngā kaitōrangapū ki Waitangi i tēnei tau
E tika ana kia tae a kiko atu ngā kaitōrangapū ki Waitangi ahakoa ngā kōrero i puta i ō rātou māngai kia tāmi tonu i te Māori ki raro.
Koia te kōrero a te kaumātua o Te Hiku o te Ika a Haami Piripi mō te taenga atu o te kāwanatanga ki te rā whakamāhara i te hainatanga o te kawenata o te motu ā te marama e tū mai nei.
Hei tā Piripi mā te taenga atu a te kāwanatanga ki te rangi nei, e toitū ai ngā hononga ki waenga i ngā taha e rua.
“..i te tau e haere mai nei e whakaaro ana ahau e hanga matakū ana ngā hunga nei ki te tae mai nātemea te kino hoki o ētahi o ā rātou mahi, tēnā pea ka tae mai tētahi nanakia haua engari ko te mea nui kia tae atu te motu, āhua rite ki ngā mahi mō te Paki o Matariki engari kei Waitangi hoki koia tērā ko te kāinga o Te Tiriti o Waitangi.”