January 17, 2024
Rangatahi mā nau mai haere mai ki te hui i Rātana Pā ā tērā wiki
Nā wai i Rangatahi kātahi ka Rangatira koia ko ngā kōrero i puta i te Māngai o te Hāhi Rātana a Te Taepa Kameta mō te hui ka tū ki Rātana pā ā te 25 o Hanuere hai whakanui i te rā whānau o te Poropiti o te hāhi Rātana a Tahupōtiki Wiremu Ratana.
Hai tā Kameta, hai ngā tau tata nei ka riro mā te rangatahi o ēnei rā ngā whakahaere e kōkiri, ā, mātua rā te whai wāhi ki ngā kaupapa pēnei i tēnei ka whānui ake te māramatanga me te whakaaro ki ngā kaupapa huhua o te wā.
“…he wā tēnei kia heke mai ko ngā rangatahi katoa o te iwi morehu o te iwi māori ki te whakakotahi mai i a tātou otirā i a rātou ki runga ki ngā kaupapa e pai ai ta rātou kawenga i a rātou anō ki te anamata.
Koia tēnei he kaupapa nui mā te 25 e kawe i tā tātou rangatahi ki runga i ngā taumata ki runga i ngā ahurei e tūmanakotia ana e rātou otirā e tātou katoa.”