October 18, 2012
Ko te putea, ko te haumarutanga o te tamaiti ranei te mea nui?
Na runga i te kuku ō te pūkoro kua mate ngā pakihi ki te tirotiro haere ki ngā wāhi e tareka te penapena pūtea.
Ko NZ Bus, rangatira ō Runciman ō Te Awakairangi, tētahi pākihi e rongo ana i te ngau ō ruarua, otirā, na ta rātau noho ki te wherawhera, ki te matapae i wā ratau pūtea ka kite rātau he marama tauwhāiti.
Hai tā te kaiwhiriwhiri pūtea ā NZ Bus, kai mate rātau ki te poro i wētahi waka kawe tamariki kura, otirā kai te āta tirohia e rātau 20 ō aua kawenga.
Hai tā Scott Thorne kaitiro whānui ā NZ Bus, ka whakapāpāhia e rātau ā rātau pākihi waka kawe tangata, arā, ā Go Wellington me Hutt Valley Flyer ka tiro ko wai kai te mahi moni, ko wai kai te kai moni.
Ma tēnei ka mōhio ngā iwi ō Te Awakairangi, ka pehea ngā pahi kawe i wa rātau tamariki ki te kura, ka hikoi, ka haumaru, ka aha rānei.