December 11, 2023
Hūhana Lyndon | Kāhore a Ngāpuhi i tuku tōna mana whakahaere ki te kāwanatanga
Kua puta te whakatau ōkawa i Te Taraipunara o Waitangi, kīhei a Ngāpuhi nui tonu i tuku i te mana whakahaere ki te kāwanatanga.
Koia ngā kōrero a te mema pāremata o Ngā Kākāriki a Hūhana Lyndon i te tuku īkawa a Te Taraipunara o Waitangi i tā rātou rīpoata ko Te Paparahi o te raki ki āna kaikerēme o Te Taitokerau i ngā rangi tata nei.
Hei tā Lyndon, he nui ngā tohutohu hirahira o roto mō ngā hapū o te nōta.
Hei tāna hoki, “e tautoko ana Te Taraipunara kāhore ngā hapū o Ngāpuhi e tuku te mana rangatiranga ki te kāwanatanga. Tautoko mārika. Ētahi atu tohutohu mai Te Taraipunara me hoki whenua mai i ngā whenua katoa ā-kāwanatanga nei ki roto nei ki Te Tai Tokerau ki roto o Ngāpuhi ki roto anō ki ngā hapū. Tino tautoko. Ētahi o ngā hapū ki roto i a Ngāpuhi kāhore he whenua ināianei kua riro nā ngā takahi o te kāwana. Tautoko mārika.”