December 07, 2023
Me ū te kāwanatanga ki te tahua putea mō ngā kaimahi kaupapa Māori
He mahi tāmi anō i te Māori te mahi a te kāwanatanga hōu.
Koia te kōrero a te tumuaki tuarua i Te Riu Roa a Ripeka Lessels, mō te whakatau ka whakakorea te putea tautoko i whakarite mō ngā kaiako reo Māori, me ngā mahi kaupapa Māori ka mahia e rātou o waho i ngā marau o te kura.
Hei tā Lessels, e tika ana kia utua te tangata mō aua māhi e taea noa e te mātanga.
“He mahi kaikiri tēnā ki a tātou te ao Māori. Ko te tahua putea nā, ka riro mai ki ngā mātanga reo Māori kei tēnā kura, kei tēnā kura, ki te whakatō i ngā tikinga o te ao Māori ki roto i ngā mokopuna, ki te whakatō i te reo Māori ki roto ki ngā mokopuna, haunga atu ki roto i ngā kaiako katoa o te kura, me te hapori hoki, koia te take o taua tahua putea.”