December 06, 2023
Toitū te reo o ngā hoia ANZAC, toitū te reo Māori hoki: Shane Taurima
Toitū te reo o ngā hoia o mua, ā, ahakoa te kāwanatanga o te wā, toitū te reo hoki. Koia nei te kī a te kaihautū o Whakaata Maori a Shane Taurima inapō, whai muri i te rironga o te teihana i te paraihe Pāhotanga Mataora o te Tau mō te whakaaturanga ANZAC 2023.
I tana kauwhau i ngā Tohu Whakaata o Aotearoa i Tāmaki Makaurau, i kī a Taurima nō te teihana te hōnore ki te tuku i ngā kōrero a ngā hōia o ngā pakanga nui ki te ao, ā, kia maumahara ki a rātou i riro i te pae o te riri. Tāpiri atu ki tērā, e whakahīhī ana ia i te rere o te reo i ngā hōtaka ANZAC.
“Ko te whakahīhī i roto i a mātou, e rere ana te reo. Me taku kōrero ki a tātou, ahakoa ko wai te kāwanatanga, toitū te reo Māori. Tēnā tātou katoa.”